Kyzylorda-News.kz

     Облыстық Қазақстан халқы ассамблеясы баспасөз қызметінің хабарлауынша И.Әбдікәрімов атындағы аграрлы-техникалық колледжінде Қорқыт ата атындағы ҚМУ-нің аға оқытушысы, облыстық ассамблея жанындағы ғылыми-сарапшылық топтың мүшесі, «Сыр медиа» ақпараттық-сараптамалық орталығының жетекшісі, саяси ғылымдарының кандидаты Сәулет Сахиев «Әлемді бейбітшілікке шақырған Қазақстан бейнесі» тақырыбында студенттерге арнап дәріс оқыды.

    Колледж директорының тәрбие ісі жөніндегі орынбасары Бауыржан Сайдулла дәрісті ашып берді. С.Сахиев дәрісінде саяси, әлеуметтік, экономикалық, экологиялық қауіпсіздігін қамтамасыз ету, діни экстремизм және халықаралық терроризмге, киберқылмыскерліктің алдын алу мәселелері туралы айтып өтті.

    Сондай-ақ, ол Елбасы Н.Ә.Назарбаевтың «Әлем. ХХІ ғасыр» атты манифесі өскелең ұрпақтың тағдырына шынайы алаңдаушылықтан туындап отырған дүние екендігін тілге тиек етіп, манифес бүкіл әлемді бейбітшілікке шақырып, әлемдегі қарама-қайшылықты еңсеруге арналған парықсыз соғысты айыптаған жаңа бейбіт әлем құруға шақырған үндеу екенін айтып өтті.