АЛҚАБИЛЕР АЙЫПТАУ ҮКІМІН ШЫҒАРДЫ
Қызылорда облысының қылмыстық істер жөніндегі мамандандырылған ауданаралық сотының судьясы С.Сүлеймен жұртшылық арасында қоғамдық пікір туғызған қылмыстық іс бойынша брифинг өткізді. Сотты болған төртеудің бірінің өтінішіне орай сот алқабилердің қатысуымен өткен екен. Сотталушылардың екеуі 4 жәбірленушіні пышақтап, ауыр және жеңіл дене жарақаттарын салады. Осының салдарынан 1 жәбірленуші қайтыс болып, 3 жәбірленуші ауруханаға жеткізілген. «Қалғандары аса ауыр қылмысты жасырып, тиісті орындарға хабарламаған» деді қылмыстық іс бойынша төрағалық етуші судья Сағатбек Сүлеймен.
Сот үкімімен 1 сотталушы адам өлтіргені үшін 16 жылға бас бостандығынан айырылса, тағы біреуі 11 жылға кесіліп, жазасын қатаң режимдегі түзеу колониясында өтейтін болды. Ал екі сотталушының 4 және 2 жылға бас бостандықтары шектеліп, пробациялық бақылауға алынады. .
Үкім заңды күшіне енген жоқ.
