Kyzylorda-News.kz

     Осындай атаумен үстіміздегі жылдың 18 сәуірінде Қармақшы ауданындағы Қорқыт Ата мемориалдық кешенінде І Халықаралық ғылыми-практикалық конференция өтеді. Конференция шешенстаннан депортацияланған халықтың ұрпағы,  белгілі қоғам қайраткері, еңбек ардагері Вахида Губановты еске алуға арналады.

    Бұл білім беру және спорт саласындағы көшбасшылардың жаңа бірлескен форумы болып табылады. Конференция мақсаты халық арасындағы дене шынықтыру мен спортты дамытуға қатысты озық әдістері мен тәсілдерін,  жастар арасындағы кешенді білім, салауатты өмір салтын насихаттауды көздейді.

    Форум бағдарламасы ғылыми-әдістемелік зерттеулерден, тәжірибе алмасу бағытындағы мастер-класс, семинарлардан тұрады.

    Шараға білім беру ұйымдарының өкілдері, Қазақстан мен Шешенстан Республикаларынан спорт және дене шынықтыру салаларының мамандары, сондай-ақ ресейлік «Тибетское здоровье» корпорациясы қатыстырылады деп күтілуде.

    Конференция Қармақшы ауданы Жосалы кентінде, Қорқыт Ата мемориалдық кешенінде 2017 жылдың 18 сәуірі күні сағат 10-00-де басталады. .

    Ұйымдастырушылар: ҚР БҒМ Ұлттық ғылыми-практикалық дене тәрбиесі орталығы, ФСО «Динамо» Қазақстан және аймақтық филиалдарының Орталық кеңесі.

    Қосымша ақпаратты 8 705 981 3125  (Бауыржан Әбенғалиев) және  8 777 0585473 нөмірлері арқылы алуға болады.