ДИМАШ "ХАЛЫҚАРАЛЫҚ ДӘРЕЖЕДЕГІ ТАНЫМАЛ ӘНШІ" ЖҮЛДЕСІН ЖЕҢІП АЛДЫ (ВИДЕО)
Димаш Құдайберген Қытайдың Шэньчжэнь қаласында өткен "17th Top China Music Awards" шарасында "Халықаралық дәрежедегі танымал әнші" номинациясын жеңіп алды. Бұл туралы әншінің PR-директоры әрі жақын досы Алпамыс Шаримов Instagram желісіндегі парақшасында хабарлады.
"Сүйінші!!! Достар!!! 17th China Music Awards шарасында Димаш Құдайберген @kudaibergenov.dimash "Халықаралық деңгейдегі әнші" жүлдесіне ие болды!!! Құтты болсын!!! Досым, жеңіс құтты болсын!, - деп жазды ол.
Димаш марапаттау рәсімінде «Ұмытылмас күн» әнін тайвандық жас пианист Аояаң Нананың сүйемелдеуінде шырқады.
Айта кетсек, Димаш жақында ғана «China Top music Awards» шарасында «Азияның ең танымал әншісі» (Best Asia popular singer) номинациясы бойынша марапатталған болатын.
