Kyzylorda-News.kz

     Бүгін дүниежүзілік Денсаулық күні. Осы орайда Қызылорда қаласындағы химия-биология бағытындағы Назарбаев зияткерлік мектебінің шәкірттері бұл күнде жалпы мектептік жаттығулар мен басқа да спорт түрлерінен турнир ұйымдастырды.

    700-ге жуық оқушылар мен мұғалімдер таңертеңгі сабақ алдында дене шынықтыру жаттығуларын жасады.

    -Мен мұндай іш-шараларды біздің денсаулығымыз үшін өте маңызды деп ойлаймын, - дейді 7 сынып оқушы Баянсұлу Төлеубай.

    -Біздің мектебіміз салауатты өмір салтын ұстану мақсатында Денсаулық күнін жыл сайын өткізіп тұрады. 7-9 сынып оқушылары арасында футбол, волейбол, баскетбол ойындарынан жарыс ұйымдастырылды, - деп ойымен бөлісті дене шынықтыру пәнінің мұғалімі Жанна Омарова.

    Сондай-ақ, Денсаулық күні зияткерлік мектептің мұғалімдер арасында жүгіруден марафон, волейболдан жолдастық кездесумен аяқталды.