ХАЛЫҚАРАЛЫҚ ЗИЯТКЕРЛЕР КУБОГЫНА ҚАТЫСТЫ
№10 дарынды балаларға арналған облыстық «Білім-инновация» лицей-интернатының оқушылары 31 наурыз - 1 сәуір аралығында Астана қаласында өткен "World Scholar's Cup Astana Round 2017" Халықаралық зияткерлер кубогына қатысты. Биыл халықаралық кубокка 400 оқушы қатысса, оның 100-і Қырғызстаннан келді. Шарт бойынша қатысушылар 6 пән бойынша білімдерін дәлелдеп, тест тапсырды, шығарма жазып, дебатқа қатысты. Оқушыларымыз алғаш рет қатысып отырғандарына қарамастан кубоктан 1 алтын,11 күміс медаль иеленді. Сонымен қатар біздің 2 команда да әлемдік кезеңге жолдама иеленді.
Жалпы, әлем бойынша сайысқа жыл сайын 20 мың оқушы қатысып, соның 3 мыңы ғана финалға жолдама алады. Биылғы білім бәйгесінде оза шапқан шәкірттер алдағы маусым айында Вьетнамда, Оңтүстік Африкада және Грекияда өтетін ақтық кезеңде білімі мен білігін сынайды. №10 дарынды балаларға арналған облыстық «Білім-инновация» лицей-интернатының 9-сынып оқушылары Ботакөз Жақсылық, Жансая Ойданова, Фариза Сәкібаева, Нұрай Серікқызы, Ақерке Ақберген мен Жанбота Байділда бұл додадан жүлдесіз қайтпайды деп сенеміз.
