СТУДЕНТТЕР АРАСЫНДА ОБЛЫСТЫҚ ПӘНДІК ОЛИМПИАДА ӨТТІ
Қорқыт Ата атындағы Қызылорда мемлекеттік университетінің 80 жылдығына орай Экономикалық теория және мемлекеттік басқару кафедрасының ұйымдастыруымен экономикалық мамандықтарда оқитын студенттер арасында «Экономикалық теория» пәні бойынша облыстық пәндік олимпиада өтті. Білім бәсекесіне барлығы 9 команда қатысты. Атап айтсақ, «Ақмешіт» гуманитарлық-техникалық институтының «Бәсеке» командасы, «Болашақ» университетінің «Баланс» және «Болашақ» командалары және Қорқыт Ата атындағы Қызылорда мемлекеттік университетінің «Аудит», «Dinero», «Пирамида», «I-TEAM», «Social Vision», «Гуманист» командалары қатысты.
Пәндік олимпиадаға ғылыми-техникалық кітапхана қызметкерлері болашақ экономистерге арнап кітап көрмесін ұйымдастырды. Олимпиада үш кезеңнен тұрды. Олимпиада нәтижесімен І орынды «I-TEAM» командасы, ІІ орынды «Пирамида» командасы, ІІІ орынды «Social Vision» командасы иеленді. Сонымен қатар, қатысушы командаларға «Білімпаз», «Fashion топ», «Жаңашыл жоба», «Әлеуметтік маңызды жоба», «Парасатты топ», «Өнерпаз топ» номинациялары берілді.
