«ҰЛЫТАУ» АНЫҚТАМАЛЫҒЫ ЖАРЫҚҚА ШЫҚТЫ
QazaqGeography «Қазақстандық ұлттық географиялық қоғамы» республикалық қоғамдық басқарушы кеңесі бірлестігінің кезекті отырысында «Ұлытау» жол көрсеткіші ұсынылды, деп хабарлайды Мәдениет және спорт министрлігінің баспасөз қызметі. Басылымның авторы танымал саяхатшы, «Авалон» тарихи-географиялық қоғамының президенті – Виталий Шуптар. Жүз беттен тұратын анықтамалықта Ұлытаудағы 50-ден астам туристік нысандар туралы дерек бар, әр нысан GPS координаттарымен көрсетілген. Мазмұнында 6 карта және 60-тан астам фотосуреттер қолданылған.
Жол көрсеткіш үш тілдік нұсқада (қазақ, орыс және ағылшын тілдерінде) шығарылды. Жалпы таралымы 3000 дана.
