Kyzylorda-News.kz

 

    Жауынгерлік дайындық деңгейін арттыру мақсатында Қызылорда облысы ТЖД Өрт сөндіру және авариялық-құтқару жұмыстары қызметінің қызметкерлері «Болашақ» университетінде шартты өртті жою бойынша өрт-тактикалық оқу-жаттығу өткізілді. Оқу-жаттығудың негізгі міндеті өрт сөндіру бөлімшелерінің күш құралдарын практикалық әрекетін пысықтау, күзет қызметінің қызметкерлері объектінің кезінде өрт сөндіру мен адамдарды эвакуациялау.

    Сценарий бойынша 16 сағат 00 минутта орталық байланыс пультына Абай даңғылы №31 А мекен-жайындағы «Болашақ» университеті жатақханасындағы   өрт туралы дабыл түсті. Шақыру орнына жедел жеткен өрт сөндірушілер мен Оңтүстік аэромобильдік жедел-құтқару жасағы бөлімшесі және апаттар медицинасы орталығы мамандары іске кірісті. Өрт сөндіру басшысы жедел кезекшінің орынбасары, азаматтық қорғау капитаны Р.Бәйімбетов өрт сөндіру штабын ұйымдастырып, жауынгерлік учаскілер құрылды.

    Барлау барысында төртінші қабатта зардап шеккендер туралы ақпарат келіп түседі. Газ түтіннен қорғау қызметі жедел құтқару әрекеттерін орындап, зардап шеккендерді апаттар медицинасы орталығының қызметкерлеріне тапсырды. Сонымен қатар өрт сөндірушілер автосаты арқылы ғимараттан адамдарды эвакуациялады.  

    Оқу-жаттығуға өрт сөндіру қызметінің 51 қызметкері және 10 бірлік өрт сөндіру техникасы, Оңтүстік аэромобильдік жедел-құтқару жасағының 4 құтқарушысы және апаттар медицинасы орталығының 3 қызметкері қатысты.