Kyzylorda-News.kz

 

    Қызылорда облысының білім басқармасы аймақтағы техникалық және кәсіптік білім беру ұйымдарының студенттері арасында  «WorldSkills  Kazakhstan» чемпионатына аймақтық іріктеу байқауын өткізді.

    Байқауда студенттер «Дәнекерлеу технологиясы», «Сантехника және жылыту», «Кірпіш қалау», «Аспазшы ісі», «Киімдер  дизайны  және модельдеу», «Ақпараттық жүйелерді басқару», «Слесарь - ісі»,  «Электромонтаждау», «Жүк автокөліктеріне техникалық қызмет жасау»,  «Шаштараз өнері» мамандығы бойынша,  «Веб-дизайн» мамандықтары бойынша сынға түсті.    

    Жалпы «WorldSkills  Kazakhstan»  Ұлттық  чемпионаты 2014 жылдың 10 шілдесінен бастап «WorldSkills  International»  халықаралық  қозғалысы мүшелігіне қабылданған. Бүгінде байқауға әлемнің  76-дан астам мемлекеті қатысып келеді.

     Ал біздің өңірде үшінші рет өткізіліп отырған байқауға биыл 11 кәсіби мамандық бойынша  жоғары оқу орындары мен жас мамандар мен техникалық және кәсіптік білім беретін оқу орындарынан 75 білім алушы  қатысты.

    Байқаудағы жұмыстарды бағалауға әлеуметтік серіктес мекемелерден, кәсіпорындардан  сарапшылар іріктеліп алынды. Жеңімпаздар республикалық кезеңге жолдама алды.