ОҚУ-ЖАТТЫҒУ ЖОҒАРЫ ДЕҢГЕЙДЕ ӨТТІ
«Өрт сөндіруші» АҚ Қызылорда облысы филиалының №25 өрт сөндіру авриялық-құтқару бөлімі «Ақшабұлақ» кен орнында орналасқан «Кристалл менеджмент» АҚ күзететін нысанда өрт-тактикалық оқу-жаттығу өткізілді.
Нысандағы өртке қарсы қызмет бөлімшелерінің жауынгерлік даярлығын көтеру, шартты өртті дер кезінде анықтап, сөндіру және адамдарға алғашқы медициналық көмек көрсетуді көздеген оқу-жаттығуға жеке құрам мамандары, өрт сөндіру автоцистернасының 1 техникасы, жедел-жәрдем көлігі және «Кристалл менеджмент» АҚ қызметкерлері жұмылдырылды.
Шартты өрт қоймада орын алды. Қойма жұмысшысы ол туралы жедел түрде кезекші операторға хабарлады, ол өз кезегінде № 25 ӨСАҚБ және нысанның басшыларын хабардар етті.
Шақырту түскеннен кейін өрт орнына күштер мен құралдар шоғырландырылып, оларды орналастыру жүргізілді. Жеке құрамның күшімен жұмысшылар эвакуацияланды. Зардап шеккендерді таза ауаға шығарып, оларға медициналық қызметтің мамандары алғашқы көмек көрсетті.
Оқу-жаттығу қорытындысында барлық қызмет пен жеке құрамның өз сміндеттерін дұрыс және дер кезінде орындағаны атап өтілді.
