АУЫЛШАРУАШЫЛЫҒЫ КООПЕРАТИВТЕРІ ҚҰРЫЛДЫ
Қазалы ауданында 26 ауылшаруашылығы кооперативі құрылды. Қазір мал шаруашылығын дамыту, бордақылау алаңдарын ұйымдастыру, ет-сүт өнімдерін өндірумен қатар жеміс-жидек, көкөніс, бақша өнімдерін өңдеу бағытындағы жұмыстар қолға алынуда.
Мәселен, Ақжона ауылдық округіне қарасты «Майдакөл» өндірістік кооперативі қызанақ, қияр, асқабақ, қарбыз, картоп, аскөк тұқымдарын сатып алды. Кооператив төрағасы Әсет Дүзбаевтың айтуынша 50 гектарға қауын-қарбыз, тағы 20 гектарға көкөністер егіледі . Оның ішінде қаптамалап сату мақсатында цех ашуды жоспарлап отыр. Сонымет қатар, кооператив мүшелері алдағы уақытта жылыжай салу бағытында да жұмыс жасауда.
