«СЫР МЕДИАДАҒЫ» МЕРЕКЕ
Бүгін облыстық, қалалық және аудандық басылымдардың басын қосқан «Сыр медиа» жауапкершілігі шектеулі серіктестігінің ұжымы Наурыз мерекесін тойлады.
Мекеме ауласына жиналған жұртшылық алдымен арқан тарту, гір көтеру, белтемірге тартылу секілді сайыстарды тамашалады. Береке мен бірліктің мерекесіне айналған Наурыз жайлы әндер шырқалып, ертегі кейіпкері – Алдар көсенің қатысуымен ұлысқа мерей, туысқа мейір сыйлаған Ұлыстың ұлы күніндегі ел қуанышын көрсететін көріністер қойылды.
«Сыр медиа» ЖШС ардагерлер ұйымының төрағасы Әскербек Рақымбек пен серіктестік бас директорының орынбасары Марат Аралбаев ұжым мүшелеріне ізгі тілегін арнап, мерекемен құттықтады.
Шарада серіктестікке қарасты редакциялар өздері әзірлеген концерттік нөмірлер қойып, спорттық сайыстарда озық шыққан командалар марапатталды.
