Kyzylorda-News.kz

 

    Ұлыстың ұлы күні қарсаңында Қызылорда облысы ТЖД Өрт сөндіру және авариялық-құтқару жұмыстары қызметі №1 мамандандырылған өрт сөндіру бөлімінің ұжымы жылдағы дәстүр бойынша ардагер Наталья Новикованың үйіне барып, оны мерекемен құттықтады.   

    Наталья Новикова  өртке қарсы қызметке 1983 жылы келді. Жиырма бес жылдан астам осы салада еңбек еткен ол өзінің алғырлығымен ел алғысына бөленген жандардың бірі.  
    Бөлім бастығы, азаматтық қорғау майоры Н.Ілиясов ұжым атынан зейнеткерді көктемгі мерекелермен құттықтады. Ұзақ ғұмыр, әулетіне қуаныш тіледі.
    Наталья Новикова да ұжымдастарына алғыс айтып «Осы мерекені бірге тойлайтын отандастарымыз, ортақ Отанымыз аман болсын!»деген тілегін жеткізді.