Kyzylorda-News.kz

 

    Кеше елордада «Тұмар» бірінші ұлттық телевизиялық байқауы аталымдарының жеңімпаздарын марапаттау рәсімі өтті, деп хабарлайды ҚазАқпарат.
    Атап айтқанда, «Ең үздік деректі кино» аталымы бойынша «Хабар» телеарнасының «Ұлы қазақтардың құпиясы мен тағдыры» жобасы;  
     «Ең үздік әлеуметтік жоба» аталымында «Қазақстан» телеарасының «Айтуға оңай» жобасы;
     «Ең үздік ақпараттық бағдарлама» аталымында «31» телеарнасының «Информбюро» бағдарламасы;
     «Ең үздік ақпараттық-талдамалы бағдарлама» аталымында «Қазақстан» телеарнасының Апта.kz бағдарламасы;  «Ең үздік музыкалық бағдарлама» аталымында "TV Key" ЖШС-нің "Музыкальный перфоманс" бағдарламасы;
     «Ең үздік ток-шоу» аталымында «КТК» телеарнасының «Біздің шындық» - «Адам тағдыры» ток-шоуы;
    «Ең үздік телевизиялық телехикая» аталымында «Қазақстан» телеарнасының «Әке» сериалы;  
    «Ең үздік әзіл-сықақ бағдарламасы» аталымында «Балапан» телеарнасының «Күлегеш» бағдарламасы;  
    «Телевизиялық маусымның ең үздік оқиғасы» аталымында "Atameken Business Channel" жобасы;  
    «Телевизияның дамуына қосқан үлесі үшін» аталымында қазақ тележурналистикасының ардагері Сұлтан Оразалы;  
    «Ең үздік аймақтық ақпараттық бағдарлама» аталымында «Қазақстан-Атырау» телеарнасының «Адасқандар» жобасы;  
    «Ең үздік аймақтық әлеуметтік бағдарлама» аталымында Ақтөбе қаласының «Рика ТВ» телеарнасының «Город сегодня» жобасы жеңіп алды.