Kyzylorda-News.kz

 

    Тәуелсіз мемлекетіміздің қалыптасуымен бірге Наурыз мейрамы барлық қазақстандықтар үшін жалпы халықтық сүйікті мерекеге айналды. Көктемнің осы бір шағында табиғат қана емес, қоғамның ынтымағы мен бірлігін, бейбітшілігі мен түсіністігін нығайтатын адам баласының да жан-дүниесі жаңғыра түсетіндей.

    Наурыз – бұл ең әуелі ізгілік пен жақсылықтың мейрамы. Ұлыстың ұлы күні  адамдар бір-біріне деген өкпе-реніштерін ұмытып, кешірімге келіп, татуласып, табысқан. Бір-бірінің шаңырағынан дәм татысып, өткен-кеткеннен сыр тартып, барша адам баласына жақсылық, аманшылық тілеп, жастарға ақ баталарын берген.
    Ұлысқа мерей, туысқа мейір сыйлаған Наурыз елдегі береке-бірлікті одан әрі бекіте түстетін мереке. Елімізде бір-бірімен тату-тәтті, берекелі өмір сүріп жатқан жүздеген ұлттың ортақ мейрамы.   
    Бәріңізді көктемнің жарқын мерекесі Наурыз мейрамымен шын жүректен құттықтаймын.
    Ұлыстың ұлы күні құтты болсын!

    А.Омаров,
    Қызылорда облысы ТЖД Өрт сөндіру
    және авариялық - құтқару жұмыстары бастығы,
    азаматтық қорғау полковнигі.