Kyzylorda-News.kz

 

    Қармақшы ауданы №80 мектеп-гимназияның  білім алушылары өздерінің бәсекеге қабілетті екенін тағы да бір дәлелдеді. Ақпан айында «Дарын» ғылыми-тәжірибелік орталығының ұйымдастыруымен «ЭКСПО тарихы» тақырыбында облыстық сайысқа 9-10 сынып оқушыларынан құралған «Жасампаз елдің қырандары»  тобы қатысып қайтты.

    Топ құрамында  9 сынып оқушысы Азамат Оразалиев, 10 сынып оқушылары Даниял Қожахметов, Алмат Мұратбековтар бар.
    Сайыс кезеңдері бойынша мектеп оқушылары 11 команданың арасынан өздерін алғырлығымен, білімділігімен, ұтымды ой айта білулерімен, шапшаңдылығымен алдыңғы үштіктен көрінді.
    Жоба қорғау барысында 10 сынып оқушысы Даниял Қожахметов «Жылыжай-ел назарында» жобасы мен жергілікті баламалы энергия көзін пайдалана отырып сапалы, мол өнім өндіру жолдарын қарастырды. Жылына төрт рет өнім өндіру тәсілдерін таныстырды. Ал оқушының логикалық қабілетін шыңдайтын «Q.bits» құрастырғышы арқылы үлгідегі суретті 3 минутта құрастырған Азамат Оразалиев команданы  тағы да бір қырынан көрсете білді. «Quizlet» бағдарламасының  рекорд жаңарту ойыны бойынша топ басшысы 10 сынып оқушысы Алмат Мұратбеков 51,3 секундта 8 сұрақты сәйкестендіріп үлгеріп, алдыңғы бестікте болды.
    Оқушылар ІІІ дәрежелі диплом және медальдармен, жетекшісі Н.Баймаханова алғыс хатпен марапатталды.