ПАРЛАМЕНТ МЕРЗІМІ АЯҚТАЛҒАНҒА ДЕЙІН ЖҰМЫС ІСТЕЙДІ
Отандық және халықаралық БАҚ өкілдерімен кездесу кезінде Қазақстан Президенті Нұрсұлтан Назарбаев Парламент депутаттарының кезектен тыс сайлауын өткізу туралы сұраққа жауап берді, деп хабарлайды «ҚазАқпарат».
- Жақсы бір тәмсіл бар: жаңа сайлаудан кейін және үйленгеннен кейін ылғи да өз қалағаныңа қолың жете бермейді. Сондықтан... Не үшін адамдар жаңа сайлаудың болғанын қалайды? Парламент 2021 жылға дейін сайланды. Ол өзінің мерзімі аяқталғанға дейін жұмыс істейтін болады, - деді Президент.
Кездесуге қатысушылар «Қазақстанның үшінші жаңғыруы: жаһандық бәсекеге қабілеттілік» атты жолдауды іске асыру аясында ел экономикасын трансформациялау үдерісінің бірқатар аспектілерін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сондай-ақ басқа да маңызды жайттарды талқылады.
Елбасымен кездесуге «Қазақстан», «Хабар», «МИР» телеарналарының, «Айқын» газетінің, «Esquire» журналының, «Қазақпарат» ақпарат агенттігінің журналистері қатысты.
Кездесуге қатысушылар «Қазақстанның үшінші жаңғыруы: жаһандық бәсекеге қабілеттілік» атты жолдауды іске асыру аясында ел экономикасын трансформациялау үдерісінің бірқатар аспектілерін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сондай-ақ басқа да маңызды жайттарды талқылады.
Елбасымен кездесуге «Қазақстан», «Хабар», «МИР» телеарналарының, «Айқын» газетінің, «Esquire» журналының, «Қазақпарат» ақпарат агенттігінің журналистері қатысты.
