Kyzylorda-News.kz

 

    Кеше Қызылорда қаласындағы «Евразия» спорт кешенінде мектеп оқушылары арасында «Бәрің де жарысқа» атты XXIII облыстық жарыс өтті.

    Кешенді эстафетада Қызылорда қаласы мен аудандар мектебінен үш іріктеу кезеңінен өткен 10 команда қатысты. Финал жолындағы жарыстар әуелі ауыл мектептері арасында өтіп, кейін аудандарда жалғасты. Жүлде үшін сайыстың шешуші сәті облыс орталығында өтті.  
    Кешенді эстафетадан сүрінбей өткен сайыскерлер арасында Ж. Қизатов атындағы  №23 мектеп-лицей командасы озық шықты, екінші орында –   № 198, ал үшінші орында  -  № 235 мектеп командалары.  
    Төртінші және бесінші орындарды Қармақшы ауданындағы №250 мектеп пен  Қазалыдағы  № 249 мектеп оқушылары өзара бөлісті. .  
    Жеңімспаздар мен жүлдегерлерге кубоктар, дипломдар мен естелік сыйлықтар табыс етілді.