Kyzylorda-News.kz

 

    Ұлыстың ұлы күні мерекесіне арналған апталық аясында қалалық ардагерлер кеңесі мен «Жастар ресурстық орталығы» КММ-нің ерікті жастары кеше елге еңбегі сіңген қариялардың үйіне барып, құттықтау шарасын ұйымдастырды.

    Белсенді жастар Тілес Боқаев, Сұлтан Үсенов, Ораз Кәрімбаев, Қаһарман Табынбаев сынды ел ақсақалдарының батасын алып, өнегесін тыңдады.
    Ел ағалары қоғамда болып жатқан оқиғалар мен құбылыстарға қатысты пікірлерін білдіріп, өз өмір тәжірибесінен тағылымды әңгіме өрбітті. Жастар мен қариялар ұлттық дәстүр мен отбасы құндылығы, кейінгі буынның рухани тұрғыда қалыптасуы, Наурыз мерекесінің маңызы жайлы емен-жарқын пікір алмасты.