Kyzylorda-News.kz

 

    Көктемгі су тасқынның алдын алу жұмыстарын үйлестіру үшін Қармақшы ауданында тиісті сала мамандарынан арнайы топ құрылған болатын.  

    Жуырда осы топ құрамындағы аудан әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімінің бас маманы Д.Бисембаев, «Қармақшысушар» ӨУ басшысы Е.Бодыбаев және Қармақшы ауданы төтенше жағдайлар бөлімінің бас маманы Е.Назарқұлов Дүр Оңғар, Иіркөл, Қармақшы ауылы және Қызылтам елді мекендеріндегі қорғаныс бөгеттерінің жағдайымен танысты. Бақылау жұмыстарына дрон аппараты қолданылды.
    Осыдан кейін аудан әкімдігінің мәжіліс залында төтенше жағдайлардың алдын алуды және жою жөніндегі аудандық комиссия отырысы өтіп, онда тосын жағдайға дайындық шаралары пысықталды.

    Қармақшы ауданы
    Төтенше жағдайлар бөлімі