Kyzylorda-News.kz

 

    Облыстық жастар денсаулығы орталығы Жаңақорған аудандық құрылымдық бөлімшесі дүниежүзілік туберкулезбен күрес күніне орай «ТБ-дан азат әлем» атты акция өткізді. Бөлімшенің жауапты мамандары Б.Қадырова,Т. Сақтағанов, аудандық емхананың психологы Ж. Ысқақов, СӨС маманы А. Әбдіхалықовалар ұйымдастырған шараға Жаңақорған аграрлы-техникалық колледжі студенттері қатысты.

    Қазақстан Республикасы Үкіметінің 2014 жылғы 31 мамырдағы №597 қаулысымен бекітілген «ҚР туберкулезбен күрес жөніндегі 2014-2020 жылдарға арналған кешенді жоспарына» сәйкес 24 ақпан мен 24 наурыз аралығындағы Дүниежүзілік туберкулезбен күрес күніне орай барлық өңірде ақпараттандыру жұмыстары қарқынды жүріп жатыр.
    Бұған дейін де Аққорған ауылдық округі Түгіскен елді мекеніндегі ауылдық клубта облыстық салауатты өмір салтын қалыптастыру орталығы, облыстық жастар денсаулығы орталығы мен аудандық емхана дәрігерлерінің ұйымдастыруымен кең ауқымды акциясы өтіп, онда  мамандар ауыл тұрғындарын дертке қарсы күресте белсенділікке шақырып, салауатты өмір салтының маңыздылығын түсіндірді.