Kyzylorda-News.kz

 

    Бүгін Қызылорда облысы ішкі істер департаментінің үлкен мәжіліс залында  Халықаралық әйелдер күні мерекесіне арналған шара өтті.  

    Салтанатты шарада қызметінің ауырлығына қарамастан, азаматтық борышын өтеу жолында қажымай еңбек етіп, қоғамның тыныштығы мен қауіпсіздігін қорғап жүрген қыз-келіншектерге Қазақстан Республикасы Ішкі істер министрінің құттықтау жеделхаты ресми түрде оқылып, полиция генерал-полковнигі Қ.Қасымовтың бұйрығымен өз міндеттеріне адалдықпен қарап, қызметтерінде жоғары көрсеткіштерге қол жеткізген департаменттің қыз-келіншектері марапатқа ие болды. ІІ дәрежелі «Ішкі істер органдарының үздігі» омыраулық белгісімен Қызылорда қалалық ішкі істер басқармасы Тергеу бөлімінің тергеушісі полиция капитаны Ирада Мақұлбекова, Қызылорда қалалық ішкі істер басқармасының Жергілікті полиция қызметі Әкімшілік тәртіппен қамауға алынған адамдарға арналған арнайы қабылдау орнының полицейі полиция старшинасы Гуля Мүйденова, Қызылорда қалалық ішкі істер басқармасының Жедел басқару орталығының «102» операторы полиция старшинасы Гүлзат Әшімова марапатталды.
    Министрлік грамотасымен Қызылорда ОІІД Жергілікті полиция қызметінің жұмысын ұйымдастыру және бақылау бөлімінің бастығы, полиция майоры Ақмарал Әлменова, ҚР ІІМ-нің Алғыс хатымен Сырдария ауданы ішкі істер бөлімінің Жергілікті полиция қызметінің Ювеналды полиция тобының кәмелетке толмағандар істері жөніндегі учаскелік полиция инспекторы, полиция подполковнигі Жұлдыз Смағұлова марапатталды. Жалпы айтулы күнге орай, департаменттегі қыз-келіншекдің бірқатарына марапат тапсырылды.   
    Мерекелік шара концерттік бағдарламамен жалғасын тауып, отбасының ұйытқысы, татулық пен келісімнің тірегі, сұлулықтың символы саналатын құрметті ақ жаулықты аналардың, ардақты әйелдердің  құрметіне әндер шырқалып, ақ тілектер айтылды.  

    Қызылорда ОІІД баспасөз қызметі