Kyzylorda-News.kz

 

    Қазалы ауданына Қызылорда облыстық филармониясының Тұрмағамбет атындағы халық аспаптары оркестрінің концерті өтті. Рухани кеште  өнерпаздар жиналған жұртшылықты ұлттық өнермен бір серпіп тастады. Елімізге танымал күйшілермен қатар, шетел композиторларының шығармалары да халық назарына ұсынылды.

    Кеш барысында аудан әкімінің кеңесшісі Ж.Жаппарберген өнер ұжымына ұлт руханиятының өрісін кеңейтіп, ел мәдениетін дамытуға қосқан  зор үлестері үшін қазалылық өнерсүйер қауымның атынан алғысын білдіріп, сый-құрмет көрсетті.    
    Өнер ұжымы Сыр сүлейі Тұрмағамбет Ізтілеуұлының 125 жылдық мерейтойы қарсаңында құрылған. Бүгінде оркестр аймақ руханиятының дамуына өз септігін тигізіп келеді. Осы уақыт аралығында көптеген жетістіктерге қол созды. Репертуарында  250-300-ге жуық көркем туынды бар оркестр ерек қолтаңбасымен көп көңілінен шығып отыр.