Kyzylorda-News.kz

 

    Бүгін «Нұр Отан» партиясының Қызылорда облыстық филиалында партияның құрылғанына 18 жыл және Алғыс айту күніне орай салтанаттты жиын өтті. Облыс әкімі, облыстық партия филиалының төрағасы Қырымбек Көшербаев нұротандықтарды мерекесімен құттықтады.

    - «Нұр Отан» партиясы алғашқы құрылған күннен бастап тың бастамалар көтеріп, жауапты шешімдер қабылдауға ұйытқы болумен қатар елмен етене қайнасып, халықтың мүддесін жеткізіп жүрген бірден-бір қоғамдық ұйым. Сондықтан біз алдағы уақыттарда да елдік биік мақсат пен халықтың игілігі жолында аянбай еңбек етуге, отанымыздың күш-қуатын еселей білуге тиістіміз,- деді Қ.Көшербаев.
    Шара барысында облыста президенттік партияны құруға атсалысқан саяси ұйым ардагерлері «Нұр Отан» тарихы туралы айтып, сондай-ақ қазіргі қоғамдағы партияның рөлі жайындағы ойларымен бөлісті.
    Осы күні «Нұр Отан» партиясының қатарына кірген 9 адамға партия билеті, саяси ұйымның 9 белсенді мүшесіне облыс әкімінің Алғыс хаты табысталды.