Kyzylorda-News.kz

 

    Құрметті бұқаралық ақпарат құралдарының өкілдері! Ақпанның 20-нан бастап «Қайсар» футбол клубы команданың өз алаңындағы ойындарына бұқаралық ақпарат құралдарын аккредитациялау кезеңінің басталғанын хабарлайды. Өтініштерді қабылдау мерзімі ақпанның 28-іне дейін жалғасады.

    Аккредитация тәртібі:
    Аккредитациядан өтіп, арнайы бейдж алу үшін клубтың медиа-офицерінің электронды поштасына (bolat.k.b@mail.ru) редакция жетекшісінің қолы қойылып, мөрі басылған өтінішті жолдауларыңыз қажет. Өтініште журналистердің аты-жөндері, телефон нөмірлері және аккредитация түрі (фото-оператор, бейне-оператор, тілші) көрсетіліп, оған 3x4 фотосуреті тіркелуі тиіс.
    Аккредитацияның артықшылықтары:
    - Ойынның бастапқы хаттамасы;
    - Матч соңындағы баспасөз мәслихатына қатысу құқығы;
    - Клуб баспасөз қызметінің келісімі бойынша микс-алаңда ойынның қатысушыларынан сұхбат алу мүмкіндігі.
    Ескерту: Аккредитациялық бейдждер стадионға кіруге құқық бермейді. Стадионға кіру үшін БАҚ өкілдеріне арнайы абонементтер бөлінеді.
    Аккредитациялық өтініштерді қабылдамау және аккредитацияның күшін жою жағдайлары:
    • Егер журналист өтінішті өткізу тәртібін сақтамаса;
    • Егер журналист жұмыс орнын ауыстырса (мұндай жағдайда редакция қызметтен босаған журналисті басқа тілшіге алмастыра алады);
    • Егер аталмыш бұқаралық ақпарат құралы өз жұмысын тоқтатса;
    • Егер журналист клубтың жұмыстарына нұқсан келтіретін, шындыққа жанаспайтын, клуб қызметкерлерінің құқығын аяқ асты ететін мәліметтерді таратса;
    • Матч кезінде стадион ережесіне және матчтан кейін баспасөз мәслихатының ережесіне бағынбаған жағдайда;
    клуб әкімшілігінің журналистерді аккредитациядан өткізбеуге құқығы бар
    Туындаған сұрақтарға байланысты 87007770484   нөміріне хабарласуларыңызға болады.