НҰРСҰЛТАН НАЗАРБАЕВ ҚҰТТЫҚТАУ ЖЕДЕЛХАТТАРЫН ЖОЛДАДЫ
www.akorda.kz
Нұрсұлтан Назарбаев Франк-Вальтер Штайнмайерге Германия Федеративтік Республикасының Президенті болып сайлануына байланысты құттықтау жеделхатын жолдады.
Қазақстан Президенті Германия Федеративтік Республикасының сайланған Президентін құттықтап, оған зор денсаулық пен табыс, ал достас Германия халқына бейбітшілік тілеп, елдің одан әрі өсіп-өркендей беруіне ниеттестік білдірді.
«Сіздің мол саяси тәжірибеңіз бен дипломатиялық қабілет-қарымыңыз отан игілігіне қызмет ете беретініне сенімдімін.
Биыл 25 жылдығы атап өтіліп жатқан Қазақстан мен Германия арасындағы достық пен сенімге негізделген өзара қарым-қатынасты нығайтудағы Сіздің еңбегіңізді жоғары бағалаймыз. Астана мен Берлинде өткен мазмұнды кездесулерімізді мен әрдайым жылы сезіммен еске аламын.
Қазақстан биыл Астанада өтетін «ЭКСПО-2017» халықаралық көрмесіне Германияның қатысуын құптайды. Осыған орай, Сізді Қазақстанға ресми сапармен келіп, «ЭКСПО-2017» көрмесінің құрметті қонағы болуға шақырамын», – делінген жеделхатта.
Мемлекет басшысы Нұрсұлтан Назарбаев Гурбангулы Бердімұхамедовке Түрікменстан Президенті болып сайлануына байланысты құттықтау жеделхатын жолдады.
Қазақстан Президенті жеке өзінің және ел халқының атынан Г.Бердімұхамедовті Түрікменстандағы президент сайлауында жеткен жеңісімен құттықтады.
«Өткен сайлау нәтижесі – халықтың тұрмыс деңгейін арттырып, елдің халықаралық беделін нығайту жолындағы Сіздің жүзеге асырып отырған саясатыңызға Түрікменстан азаматтарының сенімінің және қолдауының көрсеткіші.
Дипломатиялық қарым-қатынас орнағаннан бастап Қазақстан мен Түрікменстанның стратегиялық әріптестігі жыл өткен сайын қарқын алып келеді.
Қазақстан түрікмен халқының бірлігін, елдің саяси және экономикалық дамуын нығайтудағы Сіздің еңбегіңізді жоғары бағалайды», – делінген жеделхатта.
Сондай-ақ, Мемлекет басшысы Түрікменстан Президентін жақын арада Қазақстанға сапармен келуге шақырды.
Қазақстан Президенті Германия Федеративтік Республикасының сайланған Президентін құттықтап, оған зор денсаулық пен табыс, ал достас Германия халқына бейбітшілік тілеп, елдің одан әрі өсіп-өркендей беруіне ниеттестік білдірді.
«Сіздің мол саяси тәжірибеңіз бен дипломатиялық қабілет-қарымыңыз отан игілігіне қызмет ете беретініне сенімдімін.
Биыл 25 жылдығы атап өтіліп жатқан Қазақстан мен Германия арасындағы достық пен сенімге негізделген өзара қарым-қатынасты нығайтудағы Сіздің еңбегіңізді жоғары бағалаймыз. Астана мен Берлинде өткен мазмұнды кездесулерімізді мен әрдайым жылы сезіммен еске аламын.
Қазақстан биыл Астанада өтетін «ЭКСПО-2017» халықаралық көрмесіне Германияның қатысуын құптайды. Осыған орай, Сізді Қазақстанға ресми сапармен келіп, «ЭКСПО-2017» көрмесінің құрметті қонағы болуға шақырамын», – делінген жеделхатта.
Мемлекет басшысы Нұрсұлтан Назарбаев Гурбангулы Бердімұхамедовке Түрікменстан Президенті болып сайлануына байланысты құттықтау жеделхатын жолдады.
Қазақстан Президенті жеке өзінің және ел халқының атынан Г.Бердімұхамедовті Түрікменстандағы президент сайлауында жеткен жеңісімен құттықтады.
«Өткен сайлау нәтижесі – халықтың тұрмыс деңгейін арттырып, елдің халықаралық беделін нығайту жолындағы Сіздің жүзеге асырып отырған саясатыңызға Түрікменстан азаматтарының сенімінің және қолдауының көрсеткіші.
Дипломатиялық қарым-қатынас орнағаннан бастап Қазақстан мен Түрікменстанның стратегиялық әріптестігі жыл өткен сайын қарқын алып келеді.
Қазақстан түрікмен халқының бірлігін, елдің саяси және экономикалық дамуын нығайтудағы Сіздің еңбегіңізді жоғары бағалайды», – делінген жеделхатта.
Сондай-ақ, Мемлекет басшысы Түрікменстан Президентін жақын арада Қазақстанға сапармен келуге шақырды.
