Kyzylorda-News.kz

 

    Өрт қауіпсіздігі талаптары туралы оқушыларға ақпарат беру, өрттің алдын алу мен төтенше жағдайлар орын алған кезде атқару қажет іс-қимылдар туралы түсіндірме жұмысын жүргізу мақсатында Төтенше жағдайлар департаментінің «Азаматтық қорғау музейінде»  Қызылорда қаласы Төтенше жағдайлар басқармасының ұйымдастыруымен №233 Т.Рысқұлов атындағы мектеп оқушыларына экскурсия өткізілді.

    Іс-шара барысында оқушыларға өрт техникалық құрал-жабдықтар таныстырылып, олардың қандай қызмет атқаратыны жайлы түсіндірілді, және азаматтық қорғау саласына үлкен септігін тигізіп, маңдай терін төгіп, сара жол қалдырған батыр да батыл ардагерлеріміздің жеткен жетістіктері айтылды. Оқушыларды қызықтырған сұрақтарға жауап беріп, алғашқы өрт сөндіру құралдарымен жұмыс жасау тәртібі үйретілді.

    Іс-шараға 8-9 сыныптың 22  оқушысы қатысты.