ЖЕЗҚАЗҒАН ЖОЛЫНДА ҚАЛҒАНДАР ҚҰТҚАРЫЛДЫ
Ақпан айының 4-күні Оңтүстік өңірлік аэроұтқыр жедел құтқару жасағына Қызылорда облысы Төтенше жағдайлар департаментінің кезекшісінен Қарағанды облысы Ұлытау ауданына қарасты «Қызылорда-Павлодар-Успенка-РФ» тас жолының 243 шақырымында Камаз автокөлігі екі жолаушысымен қар құрсауында қалып қойғандығы жөнінде хабар түсті.
Хабар тиісімен Оңтүстік өңірлік аэроұтқыр жедел құтқару жасағының құтқарушылары жолға шықты. Жасақ құтқарушылары айтылған аумақтан істен шыққан жүк автокөлігін тауып, көмек көрсетті. Құтқарушылар көмегімен Камаз жүк автокөлігі қар құрсауынан шықты. Көлік иесі мен көмекшісі Қызылорда қаласына дейін жеткізілді.
