Kyzylorda-News.kz

 

    Кеше «Medal Plaza» марапат сахнасында 28-ші Бүкіләлемдік қысқы универсиаданың жеңімпаздары марапатталды.

    30 қаңтарда  тау шаңғысы, шаңғымен жүгіру, сноуборд пен фристайлда медальдардың 8 комплектісі сарапқа салынды.
    Естеріңізге сала кетсек сноубордистер паралельді слалом гигантта Богдан Богданов пен Владислав Шкурихин «алтын» мен «күміс» ұтып алған болатын. Үшінші орын украйналық Александр Белинскиге бұйырды.
    - Трасса жақсы, қарсыластарымыз мықты болды,- деді Универсиада-2017 жеңімпазы Богдан Богданов.-Мен жақсы нәтиже көрсетіп алтын алдым.Ертең тағы бір  сайысқа шығамын.Ол жерде де жүлделі үштікке енетін шығармын.
    Алғашқы жеңімпаздарды марапаттауға орай Республика сарайының алдында   «Түп тамырымыздан келешекке дейін» атты мәдени бағдарлама ұйымдастырылды. Әрбір күні ерекше тақырыптарға арналған бағдарламада Қазақстанның шығармашылық және спорттық потенциалы паш етіледі.