Kyzylorda-News.kz

 

    Бүгін Жаңақорған ауданы Талап   ауылдық округінің әкімі Әбдісаттар Шаханов 2016 жылы атқарылған жұмыстар жөнінде халық алдында есеп берді.

    Әбдісаттар Шахановтың айтуынша бүгінге дейін шешімін таппай келген Бесарық бекетінің тау жақ бетін «Батыс Еуропа – Батыс Қытай» үлкен автожолымен байланыстырып жатқан үш шақырымдық жол аудандық тұрғын үй, коммуналдық шаруашылығы, жолаушылар көлігі және автомобиль жолдары бөлімінің теңгеріміне берілген. Сондай-ақ, ауылдағы Түркістан-Келінтөбе тас жолы бойындағы апаттық жағдайда тұрған аялдама бұзылып, жаңасы салынды.
    Ауыл тұрғындары үшін өткен жылдың тағы бір жағымды жаңалығы елді мекенде «Қосекен» жеке балабақшасы ашылып, 14 адам тұрақты жұмыспен қамтылып отыр.