ҮЗДІК САТУ МЕНЕДЖЕРІ АНЫҚТАЛДЫ
Қызылорда облыстық телекоммуникация дирекциясында «VIP топтамасының үздік сату менеджері» конкурсының жеңімпазы анықталды.
Конкурс нәтижесінде VIP топтамасына ең көп абонент қостырған Алуа Шәкірова жеңімпаз атанды. «Аталмыш конкурс сату менеджерлерін Интернет желісіне жоғары жылдамдықты қатынауды қамтамасыз ететін «ID Home VIP» қызметіне неғұрлым көп абонент қостыруға ынталандыру мақсатында өткізілді. «ID Home VIP» қызметіне қосылған әрбір абонент интернетті трафикті шектеусіз қолдана алады» - деп атап өтті коммерциялық директор Әсия Айсаева.
Бұл конкурс Қызылорда ОТД қызметкерлері арасында кәсіби шеберлікті жетілдіру мақсатында ұйымдастырылады. Конкурс жеңімпазына салтанатты түрде грамота мен тұрмыс техникасын сатып алуға сыйлық сертификаты табысталды.
