АЛАУГЕРЛЕРЛЕРДІ МЫҢДАҒАН ТҰРҒЫН ҚАРСЫ АЛДЫ
Қазақстан Республикасының Тұңғыш Президенті атындағы саябақтан басталып, «Болашақ» университетінде жалғасқан «Алаугерлер эстафетасына» қатысушылар түс ауа қаладағы «Ақмешіт» гуманитарлық-техникалық институтының алдына жетті. Осы аумақтағы Бұқарбай батыр ескерткіші алдына жиналған 1000-ға тарта тұрғын 25 алаугерді салтанатпен қарсы алды.
«Алаугерлер эстафетасының» екінші кезеңі саналатын осы шара ауқымында қатысушылар Мұратбаев, Желтоқсан көшелері арқылы алауды алып өтіп, Орталық алаңға жетеді. Орталық алаңда салтанатқа орай еліміздің өнер жұлдыздарының қатысуымен гала-концерт ұйымдастырылады.
