УНИВЕРСИАДА АЛАУЫ ҚАЛАНЫ АРАЛАДЫ
Алматы қаласында 28 қаңтар мен 8 ақпан аралығында өтетін XXVIII қысқы Дүниежүзілік универсиада алауы жағылуының Сырдағы салтанаты «Болашақ» университетінің алдында жалғасты. Университет оқытушылары мен студенттері Қазақстан Республикасының Тұңғыш Президенті атындағы саябақтан алауды оқу орны алдындағы алаңға жеткізген топты ықыласпен қарсы алды. Айта кетейік, өңірлік «Алау эстафетасы» құрамына әр саланың үздіктері еніп отыр. «Болашақ» университеті алдында ұйымдастырылған шарада алауды алып жүрушілер түрлі номинациялармен марапатталды.
Жалпы осы күні «Алау эстафетасына» қатысты шаралар орталық алаң мен «Ақмешіт» институты алдында жалғасты.
