«ШАЛҚИЯНЫҢ» ШАЛҚИТЫН КЕЗІ АЛДА
Шалқия кенті әкімі М. Ауанов тұрғындар алдында есеп беріп, жыл көлемінде атқарылған жұмыстарды саралады. Өткен жылы кентте 11 тұрғын жұмысқа тартылса, алдағы уақытта «Шалқия цинк» АҚ арқылы барлық жұмыссыз азаматтарды тұрақты жұмысқа тарту көзделіп отырғандығын жеткізді.
Былтыр кеңсе ғимаратын жөндеуден басталған абаттандыру жұмыстары бірнеше көшеге тас төсеуге жалғасты. Кент әкімі өз есебінде алдағы клуб салу жоспарланып отырғандығын көпшілік назарына ұсынды.
