Kyzylorda-News.kz

 

    Қызылорда облысында  2016/2017 оқу жылының басына 3 жоғары оқу орны   жұмыс істеді, ондағы студенттердің жалпы саны 10070 адамды құрады. ЖОО-ның  1-еуі мемлекеттік болып табылады, онда 4240 адам оқиды, деп хабарлайды Қызылорда облыстық статистика департаменті.

          Студенттердің 8203-і (81,5%) күндізгі бөлімде білім алса, 1867  адам немесе 18,5% - сырттай  оқиды. Мемлекеттік білім беру гранттары есебінен 435 студент (4,3%), білім беру қызметтерін сатып алу есебінен 9365 студент немесе 95,7% оқиды.  
         Мемлекеттік тілде оқитын студенттердің саны 9934  адамды немесе 98,6% құрады. ЖОО-да оқу қазақ тілінде оқытумен қатар, 136 адамға орыс  тілінде жүргізіледі (1,4%).
          Қаралып отырған оқу жылында оқытуға және дайындауға 2979 студент қабылданып, 2015/2016 оқу жылына қарағанда 28,1%-ға  көбейді.
       2016/2017 оқу жылы бітіріп шыққан мамандар 3301  адамды құрады, бұл 2015/2016 оқу жылымен (3733 адам) салыстырғанда 11,6%-ға азайған.
        Штатта тұратын профессорлық-оқытушылық құрамның саны 801 адам, қоса атқарушылық қызмет бойынша 40 оқытушы жұмыс істейді. Профессор-оқытушы қызметкерлердің 4% ғылым докторы, 40,8% ғылым кандидаты, 2,4% профессор және 6,4% доцент ғылыми дәрежесі барлар. Магистрдің академиялық дәрежесі бар оқытушылардың саны 266  адам немесе 33,2%, философия докторы  (PhD) 10 адам немесе 1,2%.