АУЫЛ КӨШЕСІНЕ АСФАЛЬТ ТҮСТІ
Бүгін Шиелі ауданы әкімі Қ.Сәрсенбаев пен Иіркөл ауылдық округі әкімі С.Монтаев елді мекен тұрғындары алдында есеп берді. Екі мәрте Социалистік Еңбек Ері Ы.Жақаев атындағы ауылда ел үшін аса қажетті мәселелердің барлығы шешілді деуге болады.
Былтыр ауыл көшелерінің барлығы асфальтталып, жаяу жүргіншілер жолдары мен аялдамалар салынды. Округке қарасты Жансейіт елді мекені де Жиделі топтық су құбырына қосылып, 4 көше жөндеуден өтті. Соңғы бес жыл ішінде ауылға жаңадан амбулатория, спорт алаңы салынып, ауылдық мәдениет үйіне күрделі жөндеу жасалды. Өткен жылы Ы.Жақаевтың 125 жылдық мерейтойы қарсаңында даңқты диқан баба мұражайы жаңадан бой көтерді.
