Kyzylorda-News.kz

 

    Облыс прокуроры Х. Дәуешов «Болашақ» университетінің студенттерімен кездесті, деп хабарлайды облыстық прокуратураның баспасөз қызметі.

    Шара барысында облыс прокуроры мемлекет дамуындағы жастардың рөліне, еліміздегі жастар саясатының басым бағыттарына тоқталып өтті. Сонымен қатар, студенттерді прокуратура органдарының қызметіне қабылдау тәртібінің талабымен таныстырып, прокурорлық қадағалаудың ерекшеліктері жайлы әңгімеледі. Еменжарқын әңгімеде аймақта жекелеген мәселелерді шешу бағытында облыстық прокуратура қолға алған жобалар жайы да айтылды.
    Облыс прокуроры студенттерге оқуда жетістік тілей отырып, қызмет барысында қажет болатын теориялық білімдерін жетілдіруде күш-жігерлерін жұмсау қажеттігін атап өтті.