ҚЫЗЫЛОРДА ОБЛЫСЫНЫҢ ТАТАРЛАР БІРЛЕСТІГІ 25 ЖЫЛДЫҒЫН АТАП ӨТУДЕ
21 қаңтар күні Қызылорда облысындағы татар этномәдени бірлестігінің 25 жылдығына орай Бүкіләлемдік татарлар конгресінің атқару комитеті төрағасының бірінші орынбасары Данис Шакиров, Татарстан Республикасының халық әртісі Фердинант Фатхи, халықаралық фестивальдер мен конкурстардың лауреаты Сирина Заунитдинованың қатысуымен мерекелік шара өтті.
Қызылорда облысының әкімі Қырымбек Көшербаев Қазан қаласынан келген қонақтармен кездесіп, өңірдегі татарлар орталығының қызметі туралы айтып берді.
- Біздің бауырларымыз – татарлар бірлесе жұмыс істеп, аймақ игілігіне, ортақ Отанымыз – Қазақстанның гүлденуі жолында аянбай еңбек етіп жүр. Республиканың еңбек сіңірген ұстазы Нағима Абдулқызы Ахмадеева, еңбек сіңірген дәрігер Фатима Ғалиқызы Ишмеева, еңбек сіңірген құрылысшы Фарид Хабиболлаұлы Фаткульдинов, дене шынықтыру және спорт саласының еңбек сіңірген қызметкері Фаат Хамитұлы Китаевтың есімдері Қызылорда облысының тарихына енгізілді,- деді облыс әкімі.
Өз кезегінде Денис Шакиров облыстық татарлар орталығына қолдау білдіргені үшін аймақ басшысына ризашылығын білдірді.
Салтанатты шара «Достық үйінде» жалғасты. Онда облыс әкімінің орынбасары Руслан Рүстемов, Данис Шакиров, сондай-ақ Татарстан Республикасының Қазақстандағы уәкілетті өкілі Аян Акимжанов пен Қазақстандағы татар және башқұрт қауымдастығының президенті Габдулхай Ишмуратов бірлестік мүшелерін мерейтойларымен құттықтап, татарлар орталығының белсенділерін марапаттады. Салтанатты шара мерекелік концертпен қорытындыланды.
- Біздің бауырларымыз – татарлар бірлесе жұмыс істеп, аймақ игілігіне, ортақ Отанымыз – Қазақстанның гүлденуі жолында аянбай еңбек етіп жүр. Республиканың еңбек сіңірген ұстазы Нағима Абдулқызы Ахмадеева, еңбек сіңірген дәрігер Фатима Ғалиқызы Ишмеева, еңбек сіңірген құрылысшы Фарид Хабиболлаұлы Фаткульдинов, дене шынықтыру және спорт саласының еңбек сіңірген қызметкері Фаат Хамитұлы Китаевтың есімдері Қызылорда облысының тарихына енгізілді,- деді облыс әкімі.
Өз кезегінде Денис Шакиров облыстық татарлар орталығына қолдау білдіргені үшін аймақ басшысына ризашылығын білдірді.
Салтанатты шара «Достық үйінде» жалғасты. Онда облыс әкімінің орынбасары Руслан Рүстемов, Данис Шакиров, сондай-ақ Татарстан Республикасының Қазақстандағы уәкілетті өкілі Аян Акимжанов пен Қазақстандағы татар және башқұрт қауымдастығының президенті Габдулхай Ишмуратов бірлестік мүшелерін мерейтойларымен құттықтап, татарлар орталығының белсенділерін марапаттады. Салтанатты шара мерекелік концертпен қорытындыланды.
