Kyzylorda-News.kz

 

    20 қаңтарда еліміздің басым бөлігінде атмосфералық фронттардың өтуіне байланысты, кей жерлерде қар жауады, бұрқасын, тұман, көктайғақ болып, жел күшейеді, деп хабарлайды Қазгидромет.

    Ақмола облысының кей жерлерінде жел 15-20 м/с күшейіп, бұрқасын болады. Солтүстік Қазақстан облысының кей жерлерінде жел секундына 15-20  метрге дейін күшейеді, түнде және таңертең кей жерлерінде тұман күтіліп, күндіз бұрқасын болады. Шығыс Қазақстан облысының кей жерлерінде жел 15-20 м/с күшейіп, тұман бақыланады, күндіз бұрқасын болады.
    Алматы облысының кей жерлерінде тұман күтіледі, Жалаңашкөл ауданында жел 18-23 м/с күшейіп, екпіні  28 м/с болады.
    Жамбыл облысының кей жерлерінде тұман бақыланып, таңертең және күндіз жел 15-20 м/с күшейеді. Оңтүстік Қазақстан, Қызылорда облыстарының кей жерлерінде тұман күтіледі, Қызылорда облысында көктайғақ болады.
    Батыс Қазақстан облысының кей жерлерінде жел 15-20 м/с күшейеді, күндіз бұрқасын болады. Ақтөбе облысының кей жерлерінде жаяу бұрқасын байқалып,  күндіз кей жерлерінде желдің күші 18 м/с болады.
    Қостанай облысының кей жерлерінде бұрқасын, тұман болып, жел 15-20 м/с
    күшейеді, таңертең және күндіз желдің екпіні 25 м/с болады. Қарағанды облысының кей жерлерінде жел 15-20 м/с күшейеді, бұрқасын, тұман болады.