КІТАП – ҚЫМБАТ ҚАЗЫНА
«Жас Отан» Жастар қанаты Қызылорда облыстық филиалының ұйымдастыруымен Қорқыт Ата атындағы Қызылорда мемлекеттік университетінің ғылыми кітапханасында «BookСrossing» шарасы өтті.
Шараға жастар ұйымдарының өкілдері, жасотандықтар қатысты. «Жас Отан» Жастар қанаты Қызылорда қалалық бөлімшесінің басшысы Т.Тілеп «Кітаптың адамзатты сауаттандыруда алар орны ерекше. Білім арқылы адамның ойы толысып, ойлау қабілеті жоғарылап, парасаты артады. Интернет арқылы оқуға да үлкен мүмкіндіктер бар, бірақ жастар кітаптан алшақ кетпеуі тиіс. Осы шараның да бірден-бір мақсаты жастарды кітап оқуға насихаттау,» - деді өз сөзінде. Шара барысында қатысушылар бір біріне оқыған кітаптарын сыйға тартып, өздері оқыған туындылар жөнінде пікір алмасты.
