СПОРТТЫҢ АЛТЫ ТҮРІНЕН БАҚТАРЫН СЫНАДЫ
Жалағаш ауданында бұқаралық спортты дамыту мен салауатты өмір салтын қалыптастыру мақсатында мұғалімдер арасында III-ші қысқы спартакиада өтті.
Үш күнге созылған сайысты кент және ауылдық округі мектептерінің мұғалімдерінен құралған командалар спорттың волейбол, баскетбол, футбол, теннис, шахмат, арқан тарту түрлерінен өзара бақ сынасты. Жарыстың қорытындысымен жалпы командалық есеп бойынша Т.Жүргенов атындағы №123 мектеп — лицей бірінші, №33 орта мектеп екінші, №124 орта мектеп үшінші орындарды иеленді.
Жеңімпаз командалар аудандық білім бөлімі мен кәсіподақ ұйымының мақтау грамоталарымен және естелік сыйлықтарымен марапатталды.
Жеңімпаз командалар аудандық білім бөлімі мен кәсіподақ ұйымының мақтау грамоталарымен және естелік сыйлықтарымен марапатталды.
