ҚЫЗЫЛОРДАДА АЛАЯҚТЫҚ ҚЫЛМЫСТАР АЗАЙДЫ
Соңғы кездері елімізде алаяқтыққа қатысты қылмыстар қатары артып отыр. Оны жасаушылардың көпшілігі әйел адамдар екен. Бір қызығы, әккілердің құрығына түсетіндердің қатарын да көбіне нәзікжандылар құрайды. Біреудің ақшасын иеленіп кетуді көздейтіндер жұмысқа орналастыруға, мемлекеттік жәрдемақыларды тағайындауға, жеңілдетілген пайызбен несие алып беруге, жер немесе пәтер алу жұмыстарына көмектесуге уәде етеді.
Бірақ біздің өңірде осы қылмыс түрі біршама азайыпты. Мысалы, былтыр Қызылорда облысы көлемінде 793 алаяқтық қылмысы тіркелсе, 2015 жылмен салыстырғанда 30,2 пайызға төмендегенін көрсетіп отыр. Дейтұрғанмен, 2016 жылдың өзінде «жер учаскелерін алып беремін» деп алдап, ақшасын заңсыз иемденіп кетудің бірнеше дерегі тіркелген.
Мәселен, өткен жылдың наурыз айында қала тұрғыны «жер сатып алып, құжаттарын аз уақыттың ішінде заңдастырып беремін» деген жанға 350 000 теңгесін беріп, алданып қалғанын айтып арызданған. Арыз бойынша күдікті азаматшаның жеке басы анықталып, оған қатысты ҚР Қылмыстық кодексінің 190-бабы 1-бөлігі бойынша қылмыстық іс қозғалды. Сотқа дейінгі тергеп-тексеру амалдары жүргізіліп, іс сотқа жолданған.
Дәл осындай дерек бойынша 2016 жылдың 24 маусымында да арыз келіп түскен. 37 жастағы қызылордалық «қала іргесінен жер учаскесін алып беремін» деген уәдемен жәбірленушіден 700000 теңге көлемінде ақша алған. Істің созбұйдаға салынғанынан секемденген жәбірленуші амалы таусылғаннан арыз жазады. Аталған дерек бойынша ҚР Қылмыстық кодексінің 190-бабы 2-бөлігі бойынша сотқа дейінгі тергеп-тексеру амалдары жүргізіліп, заңды үкім қабылдану үшін іс сотқа жолданды.
Осыған орай құқық қорғаушылар жер телімдерін сатып алу немесе басқа да мәселелер бойынша келісімшарттар жасамас бұрын, заңгерлермен және жер комитеті қызметкерлерімен кеңесіп, сақтық шараларына мән беруді сұрайды. Ал алаяқтың арбауына түсіп қалған жағдайда уақытты босқа шығындамай ішкі істер органдарына арызданған жөн.
Мәселен, өткен жылдың наурыз айында қала тұрғыны «жер сатып алып, құжаттарын аз уақыттың ішінде заңдастырып беремін» деген жанға 350 000 теңгесін беріп, алданып қалғанын айтып арызданған. Арыз бойынша күдікті азаматшаның жеке басы анықталып, оған қатысты ҚР Қылмыстық кодексінің 190-бабы 1-бөлігі бойынша қылмыстық іс қозғалды. Сотқа дейінгі тергеп-тексеру амалдары жүргізіліп, іс сотқа жолданған.
Дәл осындай дерек бойынша 2016 жылдың 24 маусымында да арыз келіп түскен. 37 жастағы қызылордалық «қала іргесінен жер учаскесін алып беремін» деген уәдемен жәбірленушіден 700000 теңге көлемінде ақша алған. Істің созбұйдаға салынғанынан секемденген жәбірленуші амалы таусылғаннан арыз жазады. Аталған дерек бойынша ҚР Қылмыстық кодексінің 190-бабы 2-бөлігі бойынша сотқа дейінгі тергеп-тексеру амалдары жүргізіліп, заңды үкім қабылдану үшін іс сотқа жолданды.
Осыған орай құқық қорғаушылар жер телімдерін сатып алу немесе басқа да мәселелер бойынша келісімшарттар жасамас бұрын, заңгерлермен және жер комитеті қызметкерлерімен кеңесіп, сақтық шараларына мән беруді сұрайды. Ал алаяқтың арбауына түсіп қалған жағдайда уақытты босқа шығындамай ішкі істер органдарына арызданған жөн.
