БІЛІМ БӘСЕКЕСІ
Қызылорда облысының білім басқармасының «Дарын» ғылыми-практикалық орталығы ұйымдастыруымен Тәкей Есетұлы атындағы №264 мектеп-лицейінде жалпы білім беретін пәндер бойынша республикалық олимпиаданың облыстық кезеңі өткізілді.
Оқушылардың ғылыми қызметке қызығушылығын дамытып, дарынды балаларды анықтайтын олимпиадаға 274 оқушы 13 пән бойынша қатысып, алтын, күміс және қола медальдармен қатар, Қызылорда облысының білім басқармасы басшысының дипломдарымен марапатталды. Олимпиадада Қорқыт ата атындағы Қызылорда мемлекеттік университетінің ғылыми жетекшілері мен Назарбаев Зияткерлік мектебінің және облыстың білім беру ұйымдарындағы жоғары санатты ұстаздар қазылық жасады.
