Kyzylorda-News.kz

    ҚР Парламенті Мәжілісіндегі ҚХА  депутаттық тобының жетекшісі Сауытбек Абдрахманов Сыр еліне жасаған сапарында бірқатар әлеуметтік маңызы бар нысандарды аралап, аудандар, елді мекендер активімен, медицина саласының қызметкерлерімен кездесті. Аудан ауруханаларында болып,  аудандық балықшылар мұражайымен, көлік-техникалық колледжі және облыстық ассамблея құрылымдарының жұмысымен  танысты.

    Өңірге сапарын халық қалаулысы Қорқыт ата атындағы Қызылорда мемлекеттік университетінің профессор-оқытушыларымен кездесуде қорытты.
    Университет ректоры Қ.Бисеновтің жүргізуімен өткен жиында Мәжіліс депутаты Елбасының дәстүрлі халыққа Жолдауына баса назар аударып, Парламенттегі бірқатар заңнамалық өзгерістерге, атқарылған жұмыстарға тоқталды. Ел Тәуелсіздігінің ширек ғасырында Елбасы Н.Ә.Назарбаевтың сарабдал саясатының арқасында еліміз айтарлықтай жетістіктерге жетіп, озық елдердің қатарына қосылғанымыз туралы, Қазақстан халқы Ассамблеясы  секілді бірегей институтты қалыптастырып, елдің ішін дауға, сыртын жауға алдыр¬маудың ауыр сынынан өтіп, ел мүддесін басты мұрат еткенімізді тілге тиек етті. Кездесу барысында жиынға қатысушылар айтылған ұсыныс-пікірлерге, қойылған сұрақтарға Мәжіліс депутаты тарапынан тұшымды жауап берілді.