АВТОКӨЛІК МҰЗ АСТЫНАН ШЫҒАРЫЛДЫ
Кеше ҚР ІІМ Төтенше жағдайлар Комитеті «Оңтүстік өңірлік аэроұтқыр жедел құтқару жасағы» мемлекеттік мекемесінің диспетчерлік бөліміне Қызылорда облысы Бәйгеқұм ауылының тұрғынынан Қанқожа көлінен өтпек болғанда автокөлігінің мұз астына түсіп кеткендігі жөнінде хабар түсті.
Жедел құтқару тобы оқиға орнына шығып, мән-жайға қанықты. Оқиға ауыл тұрғынының «OPEL Vectra» маркалы автокөлігімен мұз үстінен өтіп бара жатқан сәтінде болғандығы анықталды. Көлік иесі мен досы аман-есен шығып, автокөлік мұз астына түсіп кеткен.
Жасақ құтқарушылары сүңгуір жабдықтарын пайдаланып, қолдан жасалған лебедкамен көлікті жағаға шығарып берді. Автокөлік иесі құтқарушылардың жедел жұмыстарына шексіз риза болып алғысын білдірді.
Оңтүстік өңірлік аэроұтқыр жедел құтқару жасағы
Жасақ құтқарушылары сүңгуір жабдықтарын пайдаланып, қолдан жасалған лебедкамен көлікті жағаға шығарып берді. Автокөлік иесі құтқарушылардың жедел жұмыстарына шексіз риза болып алғысын білдірді.
Оңтүстік өңірлік аэроұтқыр жедел құтқару жасағы
