"ҚАЙСАР" ФУТБОЛ КЛУБЫНЫҢ ДИРЕКТОРЫ ТАҒАЙЫНДАЛДЫ
Қызылорда облысының дене шынықтыру және спорт басқармасының басшысы, облыстық футбол федерациясының президенті Садық Мұстафаевтың бұйрығымен Глазунов Эдуард Борисович «Қайсар» ФК директоры болып тағайындалды, деп хабарлайды басқарманың баспасөз қызметі.
Эдуард Глазунов Алматы қаласындағы Қазақ дене шынықтыру институтын, Мәскеу қаласы Дене шынықтыру, спорт және туризм мемлекеттік университетін бітірген. Бірнеше футбол клубтарында аға және бас жаттықтырушы, «Қайрат» ФК директорының орынбасары,«Арман» ФК директоры қызметтерін атқарған.
