Kyzylorda-News.kz

 

    Бүгін Қызылорда қаласына қарасты Талсуат ауылына табиғи газ берілді. Жаңа жыл қарсаңындағы жағымды жаңалыққа орай ауыл тұрғындарын Қызылорда қаласының әкімі Нұрлыбек Нәлібаев құттықтады.

    - 2014-2015 жылдары Тасбөгет және Қызылжарма кенттері табиғи газбен қамтамасыз етілді. Биыл Талсуат ауылдық округін және үш әлеуметтік нысанды  газдандыру жобасы жүзеге асырылып, 31 шақырымдық газ құбыры тартылды. Келер жылы қалаға қарасты  Белкөл кентін газдандыруға қаржы бөлініп, көктемде құрылыс жұмыстары басталады,-деді қала басшысы.
    Ауылдықтар қуанышына орай еңбек ардагері, ауылдық қоғамдық кеңестің төрағасы Жанәлі Жүнісов те өз лебізін жеткізді. Мұнан соң арнайы қондырғыдағы алауды жағу рәсімі өтті.