Kyzylorda-News.kz

 

    «Шафран» кафесінде өзбек этномәдени бірлестігінің ұйымдастыруымен 2 және 12 жас аралығындағы балаларға жаңажылдық шырша кеші өткізілді. Тәуелсіздіктің 25 жылдық мерекесіне орай өткізілген шараға әртүрлі этнос өкілдерінен құралған 100 бала қатысты.

    Шырша кешінде балғындар үшін қызықты мерекелік шоу-бағдарлама ұйымдастырылды. Балалар шыршаны айнала ән айтып, би билеп, Аяз ата мен Ақшақарға өз өнерлерін көрсетті. Жаңа жылдық қойылымда сүйікті ертегі кейіпкерлері, Қораз кейіпіндегі басты қонақ бүлдіршіндермен әлем халықтарының түрлі ойындарын бірге ойнап, халық билерін биледі. Аяз ата мен Ақшақар балаларды Жаңа жылмен құттықтап, тәтті  сыйлықтар мен ойыншықтарды сыйға тарта отырып, кешті одан әрі қыздырды.
    Айта кету керек, Қызылорда облысында 20 жылдан аса өзбек этномәдени бірлестігі өзге де бірлестіктермен бірігіп, елдің көркейіп, гүлденуі үшін аянбай еңбек етіп келеді.
    Облыстық Қазақстан халқы
    ассамблеясының баспасөз қызметі