ҚАРМАҚШЫЛЫҚТАР ШЫРША ШАМЫН ЖАҚТЫ
Қармақшы ауданындағы орталық алаңда жаңа жылдық мерекенің басты символы болатын шырша шамы жағылды. Шараға аудан əкімі С. Мақашов жəне кент тұрғындары мен қонақтары қатысты. Ауданның бас шыршасының шамын аудан əкімі С. Мақашов жəне республикалық, халықаралық өнер додалары мен спорт сайыстарында аудан мерейін көтеріп жүрген өнерпаз өрендер жақты. Қонақтар мен қатысушыларға көтеріңкі көңіл күй, мерекелік шаттық сыйлаған шарада аудан өнерпаздары қойылым қойып, əн мен биден шашу шашып, халықтың қошеметіне бөленді. Мерекелік шара соңы отшашулармен концерттік бағдарламаға ұласты.
